الأحد , مايو 9 2021
سلمى عبد الله

عضة لسان… يا اخونا الشاي ،الشاي بي جاي

الخرطوم_ أثيرنيوز

تقول الطرفة  ان احد الاصدقاء اتصل بصديقه ودعاه لشرب الشاي  معه ” شاي المغرب”  ، وطلب منه  احضار. السكر والشاي ” وفحم لعمل الشاي ،  لانه الغاز معدوم” فساله صديقه ” وانت منك المغرب. ولاشنو”

لعل هذا ينطبق  علي من. تصدروا المشهد الان ، وورثوا مجهود اخرين وللاسف فشلوا في تحويله لدولة،  ماذا قدموا في الثورة؟ اذا كان الداعم اللوجستي ” وداد النحلة” والعقل المخطط  والمدبر ” هناي”  والقادة الميدانين. من خيرة شباب الاسلامين  قادوا التظاهرات بتنظيم   عال ،حتي الشهداء والجرحي  منهم ، ” انتو منكم  سواقة الخلا ولا شنو؟”

اقزام تسلقوا علي جدار السلطة وعاثوا فسادا بل والانكي  يوجهون التهم لاهل الكسب والاجتهاد ” الواحد رصيده اعتقلو في عهد الانقاذ اسبوع ولا اسبوعين خلاص عامل فيها مناضل” نحن لدينا من اعتقل ما يقرب الخمسة عشر عام ” يوم واحد بالغلط مافي زول  قال ليه انت مناضل ” ،   الاهداف تختلف
” انتو قدمتو شنو؟ ” ، ” اكتر زول سجنو. فيكم صديق يوسف ناس   اسبوع واسبوع بالله عليكم الله  ماتجو الكلام دا مابخصكم”
حاكمين اليوم نحن تدرجنا معكم في مسيرتكم هذه خطوة بخطوة ” معارضة، تحالف قوي جوبا ، تحالف قوي الاجماع الوطني ” حتي اختلفتم وكونت الجبهة الثورية كجسم مضاد لتحالف نداء السودان وقبلها الفجر الجديد او القديم  ” ماشفنا ليكم فجر شغلكم كله في الضلام” .
مازالت ازكر حديث  فاروق ابوعيسي وهو يشن هجومه علي المؤتمر الشعبي  الذي كان اهم عضو في تحالف قوي الاجماع الوطني  المعارض وقتها،ويشتم الوطني  وانه لا يفرق بين الشعبي والوطني.  ” بالله شوف الجماعة ديل مرقدين لينا من متين” ولم نكن نغضب ونري ان هذا موقف ولا حجر في المكان الذي تريد ان تقف فيه ، وان كان في الاتجاه الخطأ . وعندما يتم استدعاءنا لاننا اجرينا حوار. اونقلنا حديث” كذوب من احدهم” والله ماكنا نرضي   وكنا نفق معهم ” وقدر ناس “‘،،،،”  يشرحو لينا ” ماكنا نصدق حتي اخبروني انهم يتقاضون مرتبات منهم ، وان فلان يأخذ كذا وعلتكان يؤخذ له المعلوم حتي عتبات داره،   وعزة الله ما كنت اصدق حتي اخبرني اهم قياداتهم ان بعضهم يتلقي مبالغا من النظام ، وهذا لم يغير موقفنا تجاهكم ، وواصلنا دعمنا لمسيرتكم البائسة. ولاننا نقف مع الحق  فقط  ونجرد مادون. ذلك ،” وانتو اتفاقاتكم مع النظام السابق وصلت اعلي مستوي ” ” مخير الله” ءاليوم تقولون عنهم كيزان وتصموهم بالتهم ؟ ملفاتكم  موجودة. ” عشان ماتعيشوا دور النضال  والتضحية” اخلعوا عباءة جيفارا هي غير لائقة  عليكم البتة ،” وما تعملو فيها حقانين حق شنو البتجيبو انتو”  “اتلمو” .

” عايزة حزب يطلع يورينا اسهامته شنو في الثورة ” مايوم 19 ديسمبر ببعيد. ،   ” اظن كدة اي زول عرف حجمه وعرف   وزنه ” ،  ” بعدين تعالو هنا ” من الذي نصبكم اوصياء علي ثورة هذا الشعب ؟.

عن atheer

شاهد أيضاً

حاجب الدهشة..علم عمر يكتب: لماذا يخشون الكاردينال

اثير نيوز- … ما من دعوة ظننت أنها تمضي مباشرةً في مسار الحفاظ علي هوية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *